son rivà tra i antichi to pastori

maravieadì, miti en ginocion.

No t'ò portado i doni come lori,

ma ò portà al to presepio el me magon.

Mi vegno da quel mondo dei motori

dove gavemo la television

la radio e 'l telefono, ma i core

no i se capisse e i gà come paron,

l'egoismo che rosega la gente.

E la parola tua, caro Gesù,

l'è viva ancora, ma pochi i la sente:

Nadal l'è na vacansa o poco più.

Ecolo qua 'l magon che gò nel cor.

Pietà,pietà de l'ultimo pastor.